"أنت والمبادئ"
سألت نفسك أي هي مبادئك؟
المبادئ دي بتيجي منين؟
إزاي أكون مبدئ؟
يعني أي مبادئ أصلا؟
أي إنسان في الدنيا لازم يكون عنده مبادئ وقيم اتربي عليها وبيصنعها لنفسه، حاجه تقله دا صح ودا غلط، دا حرام، دا حلال، تصنعلك حدود بينك وبين نفسك قبل ما تكون بينك وبين الآخرين.....
المبادئ بشكل عام هي إلي بتحدد شخصيتك و اسلوبك ووجهتك في الحياة، مفيش إنسان بيعيش كدا من غير ما يحط لنفسه حد يمشي عليه، عشان لما يغلط يعرف هو غلط ليه، ويرجع للمبادئ ويشوف يا تري هو المبدأ دا صح ولا غلط...
المبادئ هو إنك عارف إن السرقة حرام، مبادئك بتقول كدا، عقلك متبرمج إن السرقة حرام، ويوم ما تسرق هتكتشف إنك خلفت مبادئك...
المبادئ بتيجي من الدين، من القران، الشريعة، السنن، التربية، والطرق إلي اتربيت عليها.....
المبادئ متغيرة ومش ثابته بالنسبة للانسان غير في حالات معينة لو كانت في الدين، لكن المبادئ بتتغير حسب نظرتك وحكمك للأمور، حسب الضغط إلي بتتعرضله...
بتبان قوتك وقوة مبادئ إلي لا يمكن تتخطاها، لما تثبت عليها وتقول للغلط لا وتوقف نفسك عن فعل حاجه حرام، بتبان قد أي مبادئك قوية ومتينه وأنت وأخدها من مصدر موثوق، زي القرآن طبعاً......
إنك تخالف مبادئك مرة وتتنازل عنها، معناها إنك اديت إشارة لنفسك أنها تتنازل تاني وتالت عن بقيت المبادئ، إنك تفتح بوابة لشخص يخليك تخالف مبادئك معناها إنك بتقله أنا معاك لكن مبادئ ومعتقداتي في داهيه أهم حاجة أنت.....
في اللحظة إلي بتبيع فيها مبادئك، هي اللحظة إلي بتخسر فيها نفسك وتسمح لأي إنسان أنه يتحكم فيك، قرراتهم مش كلها بتبقا صح لو هتخالف مبادئك وتعمل حاحه أنت مش عاوزها....
أي حاجة بتخليك تعمل حاجه أنت شايفه غلط وضد مبادئك، سيبها..
أتمسك بمبادئك متتمسكش بيهم، هما يجي غيرهم، لكن تخليك عن مبادئك معناها إنك بتخسر نفسك.....
أصنع مبادئك الخاصة، إلي تخليك أمتي تقول لا، أمتي تقول اه، عشان تختار صح لنفسك مش لحد غيرك.......
"اوركيدا 🍁"